Sat, 19 Apr 2025 13:15:00 +0000 पशुपतिनाथको मन्दिर कहिले बनेको थियो ?
आजभन्दा २९० वर्षअगाडि पशुपतिनाथको मन्दिरमा पूजा गराउन राजाज्ञा भएको प्रमाण पाइन्छ । भूकम्पजस्ता घटना भएमा, पशुपतिनाथको मन्दिरमा कुनै अपशब्द आएमा, राष्ट्रमा आन्तरिक वा बाह्य कारणबाट कुनै सङ्कटको स्थिति आउने सङ्केत भएमा शान्तिस्वस्ति र सङ्कटको निराकरणका लागि पशुपतिमा रुद्री, पुरश्चरण जस्ता अनुष्ठान गर्ने व्यवस्थाको संक्षिप्त विधान र संकेत जगज्जय मल्लको मानिने वि.सं. १७९२ को पत्रमा आएको छ । त्यसमा पशुपति मन्दिरमा घट्ने अप्राकृतिक घटनाहरूको जानकारी साम्बसदाशिव भट्टले राखी बन्देज अनुसारको काम गर्नु उनको कर्तव्य भएको बताइएको छ, (डा. गोविन्द टण्डनको पुस्तक ‘पशुपतिक्षेत्रको सांस्कृतिक अध्ययन, २०५३) । जगज्जय मल्लको पत्रको अंश यस्तो छ— ‘वर्षा नभै पानीले दुःख रहदा पानी पार्नानीमित्त गरीराष्याको विधीविधान् गराउनुपर्छ भूमीकंप भै नाना व्याधी रोग आई प्रीथ्वी डोलायमान भै माहामारी आया श्रीस्वामिका आग्याबमोजिम् श्रीआगमको पूजा गर्नु कल्याण सांती होला’, (डा. गोविन्द टण्डनको पुस्तक ‘पशुपतिक्षेत्रको सांस्कृतिक अध्ययन, अभिलेख खण्ड, २०५६) । डा. टण्डनको पुस्तक (२०५३) अनुसार, लिच्छवि राजा गणदेव (वि.सं. ६१४–६२४) को समयमा