दुनियाँको सामु प्रेमको नाम टाँसौंला हामी पनी
समाजले रोके नातामा डाँडा काटौंला हामी पनी

मानिसको कोलाहलमा लुक्नु छैन शिर झुकाई
दुख सुखमा दुई मुटु साटी बाँचौंला हामी पनी

उराठ बन्थ्यो देउराली पाखा कोइली चरी गाउँदा
अब रुनु हुन्न फेरी रमाई नाँचौंला हामी पनी

यात्रा अलग भए पनी बन्यो नाता अहिले छुट्टै
संसार बनाएर खुशी बाँडी हासौंला हामी पनी

फूल सरी फक्रिएको चुडी गए होला कयौं थुंगा
सुन्दर यो जवानीको माला गाँसौंला हामी पनी